2 күн бұрын

Әлем кубогы: Алғашқы қарсыластарымыз кім?

Бокстан World Boxing ұйымы өткізгелі жатқан Фос-ду-Игуасудағы (Бразилия) Әлем кубогының жеребе тарту рәсімі өтті. Бұл жарысқа әлемнің 19 елінен 130 спортшы жүлдеге таласады. Азия құрлығынан Қазақстан, Өзбекстан, Тайпей, Үндістан бар.

50 келі. 8 боксшы

¼ финал. Нұрзат Оңғаров – Асылбек Жалилов (Өзбекстан, 2024 жылғы Азия чемпионы)

55 келі. 12 боксшы

1/8 финал. Нұрсұлтан Алтынбек – Майкл Триндаде (Бразилия, Париж Олимпиадасының қатысушысы, 2021 жылғы Әлем чемпионатының ширек финалында Махмұд Сабырханға есе жіберген)

60 келі. 7 боксшы

¼ финал. Талғат Сырымбетов – Луиз Оливейра (Бразилия, Париж Олимпиадасының қатысушысы)

65 келі. 10 боксшы

1/8 финал. Алмат Әбдуәлі – Юри Рейес Фалькао (Бразилия, 2023 жылғы әлем чемпионатының қатысушысы)

Бұл жұптың жеңімпазы ширек финалда Париж Олимпиадасының чемпионы Асахуджа Муйдинхуджаевпен (Өзбекстан) жұдырықтасады.

70 келі. 12 боксшы

¼ финал. Дархан Дүйсебай.

Ширек финалда Макан Траоре (Франция, Париж Олимпиадасының қатысушысы, 2023 жылғы әлем чемпионатының ширек финалында Асланбек Шымбергеновке есе жіберген) мен Криштиану Перейраның (Бразилия) жеңгенімен шығады.

80 келі. 11 боксшы

¼ финал. Диас Молжігітов – Никоден Козак (Польша)

Жартылай финалда 2021 жылғы әлем чемпионы Робби Гонзалес (АҚШ) немесе 2024 жылғы Азия чемпионы Жавохир Умматалиевпен кездесуі мүмкін.

85 келі. 7 боксшы

½ финал. Дәулет Төлемісов.

Жартылай финалда Абдулайе Траоре (Франция, биыл «Странджа» турнирінде Бекзат Нұрдәулетовтен жеңілді) немесе Жугно Жугномен (Үндістан, 2024 жылы өткен 22 жасқа дейінгі Азия чемпионатының қола жүлдегері) айқасады.