Назым Қызайбай: Тұрмысқа шыққаннан кейін боксты тастаймын

Бокстан үш дүркін Әлем чемпионы Назым Қызайбай отбасын құрғаннан кейінгі бокстағы мансабы жайлы ойын ортаға салды.

Бұл туралы ол Хабар телеарнасы ұсынған «Қызық TIMES» бағдарламасында сөз қозғады.

— Әркімнің өз таңдауы бар. Мысалы, жақында Әйгерім Сәттібаева Азия чемпионатының қола жүлдегері атанды. Біле білсеңіздер, Әйгерім – бес баланың анасы. Алайда меніңше, күйеуге шықаннан кейін боксты қою керек. Себебі, балаға тәрбие беретін ең бірінші адам – анасы. Егер спорттық мансапты жалғастырып, жиі жарыстарға қатысып, жаттығуларға уақыт бөлсең, балаңның өскенін, қалыптасуын толыққанды көре алмайсың. Сондықтан бұл тұрғыда менің өз ұстанымым бар, – деді Назым Қызайбай.

Еске салсақ, 31 жасар Назым Қызайбай жақында Сербияның Ниш қаласында өткен әлем біріншілігінде топ жарып, үш дүркін чемпион атанған еді.