1 күн бұрын
Әлем кубогы: Нұрсұлтан Алтынбек жарыс жолын жеңіспен бастады
Азамат Бақи
Фото: Спортты дамыту дирекциясы
Қазақстандық боксшы Нұрсұлтан Алтынбек Бразилияның Фос-ду-Игуасу қаласында өтіп жатқан World Boxing ұйымы аясындағы Әлем кубогының ширек финалына шықты.
55 келіге дейінгі салмақ дәрежесінде жұдырықтасқан боксшымыз алғашқы жекпе-жегінде Бразилия өкілі Мишель Триндадені үш раундтың қорытындысы бойынша 4:1 есебімен жеңді.
Енді отандасымыз ширек финалда франциялық былғары қолғап шебері Билал Бенанимен қолғап түйістіреді.
Айта кетейік, дүбірлі дода 5 сәуірге дейін жалғасады.
