Сұлтан Заурбек: Қазақ жерінде жарқын шоу сыйлаймын деген сенімдемін

бойынша орта салмақтағы әлем чемпионы Жәнібек Әлімханұлы (16-0, 11 KO)  мен Ануаэль Нгамиссенгенің (14-0, 9 KO) арасындағы бокс кешіне санаулы күндер қалды. Басты айқастың алдында жеңілістің дәмін көрмеген тағы бір отандасымыз Сұлтан Заурбек (19-0, 13 KO) те өз өнерін ортаға салады. Осы орайда отандасымыз Sport12.kz сайтына кездесуге қаншалықты дайын екендігін айтты.

Жаттығу барысы

• Қазақстандағы үздік оқу-жаттығу кешендерінің бірі саналатын, Түркістан облысындағы «Алматау» спорт базасында Жәнібек Әлімханұлымен бірге дайындалдым. Бұл жекпе-жекке әзір болу үшін, 2,5 ай уақыт кетті. Қазақстанда алғаш рет қос чемпиондық белбеуді қорғау мақсатында кеш ұйымдастырылмақ. Бұл қуанышты жайт.

Қарсылас туралы

• Қарсыласым осал емес. Boxrec ұйымының рейтингісіне көз жүгіртсеңіз, аталмыш айқасқа 4 жұлдыз бергенін байқайсыз. Азинга Фузиле (18-2, 12 KO) де солайқай әрі соққысы жойқын. Бұған дейін тіпті әлем чемпиондығына үміткер де болған.

Ел президенті Қасым-Жомарт Тоқаевтың келуі жайлы

• Иә, «Барыс Аренада» өтетін кешке Қазақстан президенті Қасым-Жомарт Тоқаевтың келетінлігін естідім. Бұл да бізге үлкен қолдау әрі құрмет. Қазақ жерінде өзімнің ең үздік жекпе-жектерімнің бірін ұсынып, жарқын шоу сыйлаймын деген сенімдемін.