Төрехан Сабырхан: Физикалық тұрғыдан дайынмын

Бүгін «Хан-Шатыр» сауда кешенінде Төрехан Сабырхан ашық жаттығу өткізді. Осы орайда спортшы алдағы жекпе-жекке қаншалықты дайын екендігін айтты.

• Физикалық тұрғыдан толықтай дайынмын. Маған үнемі стилім кәсіпқой боксқа келеді деп айтады. Сондықтан еш қиындық болмауы тиіс. Ересектер сапына ауыссам да, Қазақстан чемпионаты мен «Странджа кубогы» турнирінде біршама жекпе-жектер өткізіп үлгердім.

Қарсылас жайлы

• Чехия өкілі Иржи Хаукемен (4-6, 2 КО) кездесемін. Жекпе-жек 6 раундқа жоспарланған. Оқу-жаттығу жиындарында да үнемі бірнеше раунд жұдырықтасатындықтан, өзіме сенімдімін.

Әуесқой пен кәсіпқой боксты қатар алып жүру

• Кәсіпқой бокстағы дебютім әуесқойға еш кедергісін келтірмейді. Әлем чемпионатына 2 айдай уақыт бар. Негізгі оқу-жаттығу жиыны енді басталады. Қай салмақта өнер көрсететінім белгісіз. 65 немесе 70 келінің бірінде жүлдеге таласатын боламын.

Айта кетейік, 19 жастағы Төрехан Сабырхан 5 сәуір күні Астана қаласында «Барыс Арена» мұз сарайындағы бокс кешінде шығады.