Махмұд Сабырхан: Қарсыласымды нокаутқа жіберсем деймін

Бүгін «Хан-Шатыр» сауда кешенінде Махмұд Сабырхан ашық жаттығу өткізді. Осы орайда спортшы алдағы жекпе-жекке қаншалықты дайын екендігін айтты.

Тәжірибесі

• 2023 жылы «Чемпиондар түні» кешінде кубалық Освальдо Диаспен 6 раунд жұдырықтасып, жеңіске жеткен едім. Сол кезде рингті сезінген болатынмын. 

Қарсылас жайлы

• Колумбиялық Николас Тордесильямен (2-0, 2 КО) айқасамын. Қарсыласымды нокаутқа жіберсем деймін. Жүйелі түрде дайындалдым. Бұйырса, інім Төрехан екеуміз ұмытылмас шоу сыйлаймыз деген сенімдеміз.

Сәкен Бибосынов жайлы

• Иә, World Boxing ұйымына ауысқалы бері салмақтар санаты өзгерді. Енді Сәкен Бмбосынов та  55 келіге көтеріледі деп естідім. Бұған дейін Elorda Cup пен Қазақстан чемпионатының финалында тартысты жекпе-жек ұсынған едік. Кім мықты, сол әлем чемпионаты мен Олимпиадаға барады. Бұл салмақта басқа да мықтылар бар екендігін де ұмытпаған жөн.

Айта кетейік, 23 жастағы Махмұд Сабырхан 5 сәуір күні Астана қаласында «Барыс Арена» мұз сарайындағы бокс кешінде шығады.