Әлем кубогы: Үшінші жарыс күні қалай өтті?

Бүгін World Boxing ұйымы аясындағы Әлем кубогының үшінші жарыс күні өз мәресіне жетті.

Бұл күнгі жекпе-жектер нәтижесінде үш боксшымыз жартылай финалға жолдама алса, бір спортшымыз жарысты ерте аяқтады.

Ерлер арасында 55 келі салмақ дәрежесінде Нұрсұлтан Алтынбек франциялық Билял Биналиді 5:0 есебімен айқын жеңсе, 75 келіде Диас Молжігітіов польшалық Никоден Козакты дәл осындай нәтижемен тізе бүктірді. Өкінішке қарай, 70 келі салмақта Дархан Дүйсебай франциялық Макан Траориге 1:4 есебімен есе жіберді.

Қыздар бәсекесінде Жазира Орақбаева бразилиялық Каролина Алмеиданы 3:2 есебімен жеңіп, жартылай финалға жолдама алды.

Айта кетейік, дүбірлі додаға 19 елден 130 боксшы қатысуда. Турнир 5 сәуірге дейін жалғасады.