Жәнібек Әлімханұлының бокс кешіне неше билет сатылды?

Бүгін, 2 сәуір күні «Rixos President Astana» қонақүйінде IBF және WBO нұсқалары бойынша орта салмақтағы әлем чемпионы Жәнібек Әлімханұлы (16-0, 11 KO) мен оның қарсыласы – Франциядан келген Анауэль Нгамиссингенің(14-0, 9 KO) қатысуымен баспасөз жиыны өтіп жатыр.

Осы орайда «Nomad Promotions» компаниясының құрылтайшысы Рүстам Қуаншалиев жекпе-жекке неше билет сатылғаны жайлы айтты.

«Иә, біз Жәнібектің жекпе-жегіне зал толықтай жиналады деп ойладық. Бірақ дәл қазіргі сәтте тек залдың жартысы ғана толды деп айта аламын. Өкінішке қарай, аталмыш айқасты жарнамалау барысында  бюрократиямен ұшырастық. Бұл да билеттің сатылымына және т.б жайттарға әсер етті», - деді Рүстам Қуаншалиев.