World Boxing: Даниял Сапарбай бүгін жартылай финал ойындарын бастайды

World Boxing аясында өтетін әлем кубогының бірінші кезеңінде 3 сәуірде ел құрамасынан Даниял Сапарбай (90 келіден жоғары) жартылай финал ойындарын бастайды.

Қазақстандық боксшы жарыстың аталған сатысында өзбекстандық Жахонгир Зокировпен қолғап түйістіреді. 

Одан бөлек 4 сәуірде жартылай финалда Нұрсұлтан Алтынбек (55 келі), Жазира Орақбаева (51 келі), Ұлжан Сәрсенбек (57 келі), Диас Молжігітов (75 келі) пен Дәулет Төлемісов (85 келі) сайысқа түседі.

Қазірге дейін ел құрамасынан Нұрзат Оңғаров (50 келі), Талғат Сырымбетов (60 келі), Анита Әдішева (54 келі), Алмат Әбдуали (65 келі), Дархан Дүйсебай (70 келі) жарыс жолынан шығып қалды.

World Boxing турнирі үш кезеңнен тұрады. Екінші кезең 30 маусым-7 шілде аралығында Қазақстанда болады. Ал үшінші кезең 21-27 шілде аралығында өтеді. Бірақ оның өтетін орны әзірге белгісіз.