Жәнібек Әлімханұлының бокс кешін ұйымдастыруға қанша уақыт кетті?

Бүгін, 2 сәуір күні «Rixos President Astana» қонақүйінде IBF және WBO нұсқалары бойынша орта салмақтағы әлем чемпионы Жәнібек Әлімханұлы (16-0, 11 KO) мен оның қарсыласы – Франциядан келген Анауэль Нгамиссингенің (14-0, 9 KO) қатысуымен баспасөз жиыны өтіп жатыр.

Осы орайда «Nomad Promotions» компаниясының құрылтайшысы Рүстам Қуаншалиев чемпиондық жекпе-жекті Қазақстанға әкелуге қанша уақыт кеткенін айтты.

«Қазақстан жерінде осындай ауқымды жекпе-жекті ұйымдастыру оңай емес. Көптеген бюрократиялық бөлімдерден өтуге тура келді. Шамамен 1 жылдан астам уақыт кетті. 5 сәуір күнін де таңдағанымыз бекер емес. Иә, бұл уақытта ешқандай мейрам жоқ. Бірақ бұл қазақ халқының қыстан аман-есен шығып, көктемнің келген сәтімен тұспа-тұс келеді. Сондықтан көктем мезгіліне тоқталдық», - деді Рүстам Қуаншалиев.