Баходир Джалолов: Ақша берсеңдер, кіммен болса да шығуға дайынмын

Екі дүркін Олимпиада чемпионы, өзбекстандық боксшы Баходир Джалолов (14-0, 14 КО) қазақстандықтар туралы пікір білдіріп, сондай-ақ, Қазақстанның Олимпиада ойындарының қола жүлдегері Иван Дычкомен ықтимал жекпе-жекке қатысты ойын айтты, деп хабарлайды Sport12.kz.

«Қазақтар – бізге дос халық. Мені мұнда әрдайым жылы қарсы алады. Кешеден бері ет жеп жүрміз. Қазақстанда бірнеше рет турнирге қатыстым. Дычко туралы жаман ештеңе айтқан жоқпын. Оның да, менің де промоутерлеріміз бен менеджерлеріміз бар. Егер лайықты ақша ұсынылса, мен кез келген қарсыласпен жұдырықтасуға дайынмын. Егер Қазақстан жағы бұл жекпе-жекке қызығушылық танытса, біз оны талқылаймыз. Ақша беріңіздер, біз дайынбыз!» – деді Джалолов.

Айта кетейік, өзбек боксшысы 5 сәуір күні украиналық Игорь Шевадзуцкиймен (12-2, 10 КО) жұдырықтасады.