10 сағат бұрын
Жәнібек Әлімханұлының жаңа бапкері: «Канеломен» айқас болса жеңіске жетеміз

Фото: Sky Sports
Қазақстандық кәсіпқой боксшы Жәнібек Әлімханұлының (16-0, 11 КО) жаңа бапкері Марко Контрерас мексикалық Сауль «Канело» Альвареспен өтуі мүмкін жекпе-жек туралы пікір білдірді.
– Әрине, Жәнібек жеңіске жетеді. Қазіргі таңда ол қарқынды жаттығып, үздіксіз дамып келеді. Ал Альвареске келсек, ол бір орында тоқтап қалғандай әсер қалдырады. Екеуі де өз салмақ дәрежелеріндегі мықтылар. Жәнібекке Альвареспен жекпе-жек өткізу үшін әлі де салмақ қосу қажет. Қазіргі таңда мексикалық кіммен айқасатынын өзі таңдайды, сондықтан оның дамып жатқанын байқай алмадым. Менің ойымша, егер бұл жекпе-жек өтсе, Жәнібек сенімді түрде жеңіске жетеді,– деді Марко Контрерас.
Айта кетейік, Жәнібек қазіргі таңда елордада өтетін бокс кешіне дайындық үстінде. 5 сәуір күні Qazaq Style «Барыс Арена» спорт кешенінде франциялық боксшы Анауэль Нгаммисенгемен (14-0, 9 КО) қолғап түйістіреді.
