Жәнібектің жаңа бапкері: Әлімханұлы абсолютті чемпион болады

Қазақстандық кәсіпқой боксшы Жәнібек Әлімханұлының (16-0, 11 КО) жаңа бапкері Марко Контрерас оның жаттығудағы ерекше жұмысын жоғары бағалады.

Бұл туралы ол Qazaqstan ұлттық телеарнасындағы «1001 түн» бағдарламасында айтты.

— Жәнібекпен біраз уақыттан бері тыңғылықты дайындалып келеміз. Ол тіпті ең қиын жаттығулардың өзін «оңай, оңай» деп орындайды. Бірақ мен бұл әдістердің шын мәнінде қаншалықты күрделі екенін жақсы білемін. Сондықтан оның сенімділігі мен еңбекқорлығын көріп, абсолютті чемпион атанарына кәміл сенемін, – деді Марко Контрерас.

Айта кетейік, Жәнібек қазіргі таңда елордада өтетін бокс кешіне дайындық үстінде. 5 сәуір күні Qazaq Style «Барыс Арена» спорт кешенінде франциялық боксшы Анауэль Нгаммисенгеге (14-0, 9 КО) қарсы IBF және WBO тұжырымдамалары бойынша орта салмақтағы чемпиондық белбеулерін қорғайды.