18 сағат бұрын
Астанадағы бокс кеші: Ақниет Әлімбай кәсіпқой рингтегі алғашқы жеңілісіне ұшырады

Бүгін Астана қаласындағы «Барыс Арена» спорт кешенінде халықаралық деңгейдегі айтулы «Battle of the Brave» бокс кеші өтуде.
Кештің екінші жекпе-жегінде қазақстандық былғары қолғап шебері Ақниет Әлімбай (2-0, 1КО) чехиялық Йозеф Дубскиймен (1-0, 1 КО) қолғап түйістірді. Төрт раундқа жоспарланған кездесуде қос боксшы жанкүйерлерге тартысты әрі ашық айқас сыйлады. Жекпе-жек соңында төрешілердің шешімі бойынша жеңіс Йозеф Дубскийге бұйырды.
Бұл отандасымыздың кәсіпқой рингтегі алғашқы жеңілісі. Ал чехиялық боксшы мансабындағы екінші жеңісіне қол жеткізді.
Айта кетейік, кештің басты жекпе-жегінде Жәнібек Әлімханұлы (16-0, 11 КО) франциялық Анауэль Нгамиссенгемен (14-0, 9 КО) жұдырықтасады.
