18 сағат бұрын
Жәнібектің бокс кешіндегі сенсация

«Барыс Арена» мұз сарайында (Астана қ.) отандық және шетелдік бокс жұлдыздарының қатысуымен үлкен тарихи бокс кеші өтіп жатыр.
Кештің басты жекпе-жегінде ел тарихында алғаш рет IBF және WBO тұжырымы бойынша орта салмақтағы әлем чемпионы Жәнібек Әлімханұлы (16-0, 11 КО) өз белбеуін Франциядан келген үміткер Анауэль Нгамиссингеге (14-0, 9 КО) қарсы қорғамақ.
Жартылай орта салмақтағы жекпе-жек
Ақниет Әлімбай (Қазақстан, 2-0, 1 КО) – Йозеф Дубски (Чехия, 1-0, 1 КО) - төрешілердің басым дауысымен (40:36, 38:39, 37:39) Йозеф жеңіске жетті.
Кештің екінші кездесуі де өте тартысты өтті. Ақниет шабуылдап, бірінші нөмірде жұдырықтасуға тырысты. Ал Чехиядан келген Йозеф Дубски қорғаныста жүріп, қарымта шабуылға иек артты. Әр сәтте Йозеф мүмкіндігін қалт жібермей, тараз басын өз жағына аударып кетті. Нәтижесінде төрешілердің екіге бөлінген дауысымен чехиялық боксшы басым түсті.
