Астанадағы бокс кеші: Махмуд Сабырхан қарсыласын екінші раундта тізе бүктірді

Астана қаласындағы «Барыс Арена» мұз сарайында отандық және шетелдік бокс жұлдыздарының қатысуымен бокс кешінде қазақстандық Махмуд Сабырхан кәсіпқой бокстағы алғашқы жекпе-жегін өткізді.

Жекпе-жек барысында Махмұд сенімді ойын көрсетті. Небәрі екінші раундта қарсыласын техникалық ноакутқа жіберді.

Осылайша ол кәсіпқой бокстағы алғашқы жекпе-жегін сәтті өткізді.

Бір күн бұрын өткен салмақ өлшеу рәсімінде Махмұдтың салмағы 55,34 келіні құраған еді. Оның қарсыласы вьетнамдық Данг Дак Хайнхтың салмағы 54,78 келіні шамалады. Въетнамдық боксшы кәсіпқой бокстағы 2 кездесуінің біреуінде жеңіске жетсе, біреуінде қарсыласына есе жіберіп қойды.

Махмуд Сабырхан 2001 жылы дүниеге келген. Әуесқой бокста 2023 жылы әлем чемпионы атанса, 2021 жылы күміс жүлдегер атанды. Ал Азия чемпионатында 2024 жылы топ жарса, 2022 жылы күміс медаль иесі атанды.