18 сағат бұрын
Астанадағы бокс кеші: Батыр Жүкембаев қарсыласынан басым түсті

Фото: Нұрғали Жұмағазы
Астанада өтіп жатқан бокс кешінде қазақстандық Батыр Жүкембаев (Қазақстан, 23-1, 17 КО) қарсыласын қапы қалдырды.
Ол ұлыбританиялық Кейн Гарднермен қолғап түйістірді. Жекпе-жекте Батырдың басымдығы байқалып тұрды. Төрешілер шешімімен жеңіс бірауыздан Батырға берілді.
Батыр Жүкембаев 1991 жылы дүниеге келген. Кәсіпқой бокста 24 жасынан бері сайысқа түсіп келеді. Алғашқы жекпе-жегін 2015 жылы 19 қыркүйекте өткізген. Қазірге дейін 18 жекпе-жектің 14-де жеңіске жетті.
Кештің басты жекпе-жегінде ел тарихында алғаш рет IBF және WBO тұжырымы бойынша орта салмақтағы әлем чемпионы Жәнібек Әлімханұлы (16-0, 11 КО) сайысқа түседі. Ол өз белбеуін Франциядан келген үміткер Анауэль Нгамиссингеге (14-0, 9 КО) қарсы қорғамақ.
