Назым Қызайбай жігіттердің қандай қасиетін бағалайды?

Боксшы Назым Қызайбайға қандай жігіттер ұнамайды? Ол бұл туралы BAQ.KZ тілшісіне берген сұхбатында айтты, деп хабарлайды Sport12.kz.

• Ешқандай талабым жоқ. Бірақ сенің оған көңілің болмаса, қайта-қайта жазып, мазаны алатын жігіттер ұнамайды. Сыйлайтын, құрметтейтін, тәрбиелі болғанын қалаймын. Мені ғана емес, жалпы қыздар қауымына сыйластығы болу керек.

Сонымен қатар, ол қоғамда үйленбей жүргендер жайлы да айта кетті.

• Өзіме келетін болсам, көп адамдар, туысқандар «қашан тұрмысқа шығасың?» деп сұрап жатады. Мен ойлаймын, әр адамның өмірі өзінікі. Қашан тұрмысқа шыққым келеді, сол кезде шығамын. Қазіргі таңда оны ойламаймын. Негізі бұл сұрақты көп қоймау керек. Уақыты келгенде шығады. «Қашан күйеуге шығасың?» деген сұрақ ұнамайды. Туысқандардың арасында көп сұрайды. Тілек айтса да соны қосады. Жұбыңды тауып, отбасылы болуды көп айтып жатады. Соны естіп, шаршап кеттім. Адамдар неге басқа адамдардың жеке өміріне араласады деп түсінбеймін. Менің күйеуге шыққаным кімге, қандай пайда алып келеді деп ойлаймын. Әркімнің өз өмірі. Уақыты келгенде көреді. Қазір де бақыттымын! Өзімнің сүйікті ісіммен айналысамын. Барлығы бұйырған уақытта болады.