Төрехан Сабырхан: Қай салмақта жұдырықтасатынымды анықтамадым

Жасөспірімдер арасында Азияның төрт дүркін чемпионы Төрехан Сабырхан қай салмақта айқасқан тиімді екенін «Спорт министрі» YouTube-каналына берген сұхбатында айтты.

Айта кетейік, 5 сәуірде Төрехан Сабырхан Астанада кәсіпқой бокстағы дебютін жасаған еді. Ол чехиялық Йиржи Хаукемен (4-6, 2 КО) жұдырықтасып, үшінші раундта қарсыласын нокаутпен жеңді.

«Менің салмағым 71 келі. 65 келіге қуу қатты қиын емес. Ал 70 келіге ауысу үшін, салмағым 75-76 келі болуы қажет. Бұл салмақта тәжірибелі Абылайхан Жүсіпов ағамыз бар. Алдағы уақытта салмағым өсіп жатса, онда көтерілемін. Егер осы қалпымда қалсам, онда 65 келіде жүлдеге таласамын. Барлығы уақыт еншісінде», - деді Төрехан Сабырхан. 

Айта кетейік, Төрехан Сабырхан небәрі 19 жаста.