Хамза Шираздың қай салмаққа ауысатындығы белгілі болды

Кәсіпқой бокста Жәнібек Әлімханұлымен бірнеше рет кездесе жаздаған британдық боксшы орта салмақтан кететіндігін айтқан еді.

Ұлыбританиялық бұрынғы үміткер Хамза Шираз (21-0-1, 17 KO) промоутері Фрэнк Уорреннің (Queensberry Promotions) сөзін растады. Ол кәсіби мансабын бірінші орта салмақта (69,9 кг дейін) жалғастырады.

BoxingScene порталының хабарлауынша, Шираз мансабындағы жалғыз өзгеріс бұл емес. Ол бапкерлік құрамда да ауыс-түйіс жасады. Бұрынғы жаттықтырушысы Рикки Фунесті британдық үздік мамандардың бірі саналатын Энди Ли алмастырды.

Шираз бұл шешім туралы:

«Мен Энди Лиді әлі өзі әлем чемпионы болып жүрген кезде зерттейтінмін. Оның қол астында жаттығамын деп ешқашан ойламадым. Бұл ой тек оның бұрыштағы жұмысын көргенде ғана пайда болды», — деп бөлісті боксшы.