Жолдас Жеңісов Гран-при турниріндегі алғашқы қарсыласын сұлатып түсірді

Қазақстандық кәсіпқой былғары қолғап шебері Жолдас Жеңісов WBC мен Турки Әл аш-Шейх бірігіп ұйымдастырып жатқан тарихи гран-при турнирін жеңіспен бастады.

Сауд Арабиясының Эр-Рияд қаласында өтіп жатқан бокс кешінде Жолдас Жеңісов (9-0-0, 4 КО) алғашқы жекпе-жегін мансабында жеңіліп көрмеген испаниялық боксшы Эльязид Эззайданиға (6-1-0, 4 КО) қарсы өткізді.

Жартылай жеңіл салмақтағы 1/16 финал аясында өткен айқас алғашында алты раундқа жоспарланған болатын. Алайда отандасымыз қарсыласын екінші раундта нокдаунға түсіріп, техникалық нокаут арқылы жекпе-жекті мерзімінен бұрын аяқтады.

Осылайша Жеңісов кәсіпқой бокстағы тоғызыншы жеңісіне қол жеткізсе, Эззайдани мансабындағы алғашқы жеңілісіне ұшырады.

Енді Жолдас 1/8 финалда жеңілістің кермек дәмін татпаған өзбекстандық боксшы Аюбхон Бахтиоровпен (7-0-0, 5 КО) қолғап түйістіреді.

Айта кетейік, әлемнің үздік 64 боксшысы бақ сынап жатқан дүбірлі доданың бас жүлдесі 1 миллион долларды құрайды.