Коротков турнирі: Алты боксшымыз алтынға таласады

Бүгін, 19 сәуір Ресейдің Хабаровск қаласында өтіп жатқан бокстан Константин Коротковты еске алуға арналған халықаралық турнирдің бесінші жарыс күні.

Бұл күні еліміздің атынан финалдық жекпе-жекте алты боксшымыз жұдырықтасады.

Ерлер:

• 54 келі. Сәкен Бибосынов – Денис Пальшин (Ресей)
• 92 келі. Сағындық Тоғамбай – Cергей Слободян (Ресей)
• +92 келі. Нұрлан Сапарбай – Орудж Мамедов (Ресей)

Әйелдер:

• 57 келі. Айдана Забынбекова – Cок хен Ку (Солтүстік Корея)
• 60 келі. Римма Волосенко – Ирина Автина (Ресей)
• 66 келі. Ұлдана Таубай – Су хе Хоанг (Солтүстік Корея)

Жекпе-жектер Қазақстан уақытымен сағат 07:00-де басталады.

Айта кетейік, 16-шы рет ұйымдастырылып жатқан байрақты бәсеке 20 сәуірге дейін жалғасады.