Елдос Сайдалин: бокстан Үндістанның адалдығына күмәнмен қараймын

Қазақстан әйелдер құрамасының бас бапкері Елдос Сайдалин Сербияда өткен 2025 жылғы әйелдер арасындағы бокстан әлем чемпионатына қатыспаған елдерге қатысты өз ойын айтты, деп хабарлайды Sport12.kz AQYRYS SEITQAZY YouTube арнасына сілтеме жасап.

— Бұл жарысқа Үндістан қатысқан жоқ. Мен бұл құраманың әлемдік аренада аса бәсекеге қабілетті екеніне сенбеймін. Жастарынан үміт күтуге болады. Алайда мен олардың адалдығына күмәнмен қараймын. Жастар арасындағы жарыстарда Үндістан атынан үлкен жастағы қыздар шығып жүр. Мен естігенім — олардың азаматтарына құжат кеш беріледі. Сол себепті нақты жасы көрсетілген мәліметке сәйкес келмейді, — деді Сайдалин.

Еске салайық, IBA ұйымдастырған әйелдер арасындағы бокстан 14-ші әлем чемпионаты 2025 жылғы 8–17 наурыз аралығында Сербияның Ниш қаласында өтті. Турнирге 50 елден 239 спортшы қатысты. Алайда Үндістан бұл додаға бойкот жариялап, қатысқан жоқ.