18 сағат бұрын
Сәкен Бибосынов Ресейдегі турнирде топ жарды
Азамат Бақи
Фото: Ben McShane/Sportsfile via Getty Images
Қазақстандық боксшы Сәкен Бибосынов Ресейдің Хабаровск қаласында өтіп жатқан Константин Коротковты еске алуға арналған халықаралық турнирде чемпион атанды.
54 келіге дейінгі салмақ дәрежесінде жұдырықтасқан отандасымыз айтулы турнирде қарсылас шақ келтірмеді.
Жарыс барысында ресейлік Курбан Байрамбеков (5:0) пен өзбекстандық Фариезбек Дусматовты (5:0) жолдан тайдырған Сәкен финалдық жекпе-жекте Ресей өкілі Денис Палшинді сенімді түрде, 5:0 есебімен жеңді.
Айта кетейік, бұл Сәкеннің 2024 жылдың желтоқсан айында алған Азия чемпионатындағы жарақатынан кейінгі алғашқы жарысы болды.
