Ағайынды Махмудтар кәсіпқой бокс кешінде қанша гонорар алды?
Қанат Байұзақов
Ағайынды Махмұд пен Төрехан Сабырхандар Астанада өткен кәсіби бокс кешінде өнер көрсеткен болатын. Екеуі де қарсыластарын нокаутпен жеңді.
Еске салайық, Махмұд вьетнамдық боксшыны екінші раундта техникалық нокаутпен жеңсе, Төрехан Чехиядан келген тәжірибелі боксшыны үшінші раундта ұрып құлатты.
«Өзіміз сұраған ақшаны берген жоқ, сәл азайтыңдар деп айтты. Жасырмай айта берейін, екеуміздікін қосқанда 12 миллион теңгедей беретін болды», - деді Махмұд Сабырхан.
Айта кетейік, аталған бокс кешін Nomad Promotions компаниясы ұйымдастырған. Ал, ағайынды Сабырхандарды аталған бокс кешінде өнер көрсетуге әйгілі Амир Ханның (кәсіпқой бокстан әлемнің экс-чемпионы) өзі шақырыпты.
