Жәнібек Әлімханұлы әлемнің үздік 20 боксшысының қатарына кірді

Boxingscene.com сайтының журналисі Стивен Эдвардс салмақ дәрежесіне қарамастан әлемдегі ең жақсы боксшылардың тізімін жасады, деп хабарлайды Sport12.kz.

Оған WBO және IBF нұсқалары бойынша орта салмақтағы әлем чемпионы қазақстандық Жәнібек Әлімханұлы (17-0, 12 КО) енгізілді. Қазақстандық былғары қолғап шебері 20-орынға жайғасты.

Жәнібек Әлімханұлы 1993 жылы 1 сәуірде дүниеге келген. Әуесқой бокста 2013 жылы әлем чемпионы атанса, сол жылы Азия чемпионатында жеңіс тұғырына көтерілді.

2015 жылдан бері кәсіпқой бокста 17 жекпе-жектің барлығында жеңіске жеткен.

Эдвардс өзінің P4P рейтингінің көшбасшысы ретінде американдық боксшы Теренс Кроуфордты таңдады (41-0, 31 КО). Сондай-ақ, үздік бестікке украиндық Александр Усик (23-0, 14 КО), жапондық Наоя Иноуэ (29-0, 26 КО) және ресейлік боксшылар Дмитрий Бивол (24-1, 12 КО) және Артур Бетербиев (21-1, 20 КО) кірді. Әлемдік бокстың бет-бейнесі саналып жүрген мексикалық Сауль Канело Альвареске (62-2-2, 39 КО) сарапшы рейтингінде тек сегізінші орынды місе тұтты.