Мейірім Нұрсұлтанов: Жәнібек Әлімханұлын жеңгенмін

Қазақстандық кәсіпқой боксшы Мейірім Нұрсұлтанов өзінің әуесқойлар арасындағы мансабында қазіргі WBO және IBF тұжырымдары бойынша әлем чемпионы Жәнібек Әлімханұлымен болған кездесуін еске алды, деп хабарлайды Sport12.kz.

— 2009 жылы біз Жәнібекпен Петропавлда өткен әуесқой турнирде кездескенбіз. Бұл жасөспірімдер арасындағы жарыс болатын. Сол кезде мен оны жеңдім. Қателеспесем, бұл Кәміл Сафинді еске алуға арналған турнир еді. Қазір бұл турнир өтеді ме, жоқ па – білмеймін. Біз 63 келі салмақ бойынша алғашқы айналымда шыққан едік, — деді Мейірім Нұрсұлтанов.

Айта кетейік, қазіргі таңда Мейірім Нұрсұлтанов (20 жеңіс, 11 нокаут) WBC чемпионы Карлос Адамеспен (24 жеңіс, 1 жеңіліс, 1 тең) жекпе-жек өткізуге міндетті үміткер болып тағайындалған. Бұған дейін ол Жәнібек Әлімханұлымен (17 жеңіс, 12 нокаут) чемпиондық жекпе-жекке де дайын екенін мәлімдеген болатын.