Жәнібек Әлімханұлы Теренс Кроуфордқа қолдау білдірді

WBO және IBF тұжырымдары бойынша орта салмақта әлем чемпионы Жәнібек Әлімханұлы (17-0, 12 KO) бірінші орта салмақта WBA белбеуінің иегері, америкалық Теренс Кроуфордқа (41-0, 31 KO) алдағы күзде Сауль «Канело» Альвареспен (62-2-2, 39 KO) өтетін жекпе-жегі алдында қолдау білдірді, деп хабарлайды Sport12.kz.

«Қазақ стилі» лақап атымен танымал Әлімханұлы Instagram желісіндегі «Бад» атты парақша жариялаған жазбаға пікір қалдырды. Онда Кроуфорд 12 қыркүйекте «тарих жасайтынын» мәлімдеген болатын.

«Сәттілік», — деп жазды Жәнібек.

Еске салайық, Канело мен Кроуфорд арасындағы жекпе-жек 4 мамыр күні Эр-Риядта Альварестің кубалық Вильям Скуллды (23-1, 9 KO) жеңген соң, ресми түрде жарияланған еді. Айқас Лас-Вегаста өтеді.