Жастар арасында Азия чемпионатына баратын қазақстандық боксшылар анықталды

Қазақстан бокс федерациясы Шри-Ланка астанасы Коломбо қаласында өтетін 22 жасқа дейінгі жастар арасындағы Азия чемпионатына баратын боксшылар тізімін жариялады, деп хабарлайды Sport12.kz.

Құрлықтық додада жастар құрамасында Нұрхан Құмарбеков (48 келі), Досымжан Таңатар (51 келі), Алдияр Бахадур (54 келі), Нығман Нығмет (57 кг), Әділет Тортубек (60 келі), Мұхит Нұрқабылұлы (63,5 келі), Сұлтан Тұрдалы (67 келі), Бекарыс Нұрмұқан (71 келі), Жасұлан Бердалы (75 келі), Игорь Соловьев (80 келі), Нұрсұлтан Қыстаубай (86 келі), Расул Асанханов (92 келі), Бексұлтан Қайратұлы (92 келіден жоғары) сынға түседі.

Ал 22 жасқа дейінгілер құрамасында Тілеуберді Сүлеймен (48 келі), Диас Берікбай (51 келі), Кенже Мұратұлы (54 келі), Жасурбек Анарбаев (57 келі), Нұрислам Қалдыбаев (60 келі), Сералы Жолмағанбет (63,5 келі), Бақтияр Анарбаев (67 келі), Ағажан Қадыр (71 келі), Аман Қонысбеков (75 келі), Бақберген Алиаскаров (80 келі), Ибрагим Бетаев (86 келі), Азатбек Жолдасхан (92 келі), Ерсултан Сапар (92 келіден жоғары) ринге шығады.

Азия чемпионаты 12-23 мамыр аралығында өткізіледі.