Канело – Кроуфорд жекпе-жегінің күні ауысты

2025 жылдың басты айқастарының бірі саналған бокс кешінің уақыты өзгерді, деп хабарлайды Sport12.kz

Инсайдер Майк Коппинджердің хабарлауынша, бокстан Riyadh Season жобасының жетекшісі Турки Әл аш-Шейх 2025 жылдың басты мега-жекпе-жегін — екінші орта салмақта абсолют чемпион атағы үшін өтетін Канело Альварес пен Теренс Кроуфорд арасындағы кездесуді басқа күнге ауыстыру туралы шешім қабылдаған.

Бастапқыда бұл жекпе-жек 12 қыркүйекте АҚШ-тың Лас-Вегас қаласындағы Allegiant Stadium аренасында өтеді деп жоспарланған болатын. Алайда Әл аш-Шейх жекпе-жекті жұма күні өткізуден бас тартып, кездесуді 13 қыркүйекке шегеруді жөн көрді.

Жекпе-жек өтетін нақты орын әзірге белгісіз. Алайда ол АҚШ-тың Лас-Вегас, Лос-Анджелес немесе Нью-Йорк қалаларының бірінде ұйымдастырылады деп күтілуде.