8 сағат бұрын
12 боксшы - финалда: Қазақстандық қыздар бас жүлдеге таласады
Фото: Спортты дамыту дирекциясы
Құрлықтық дода Шри-Ланка астанасы Коломбо қаласында өтіп жатыр, деп хабарлайды Sport12.kz.
Енді финалда Айым Таңқыбаева (48 келі),Сила Биболсынқызы (50 келі), Рахмина Абдумежитова (52 келі), Жанель Имантаева (54 келі), Ақнұр Тұрсынғали (57 келі), Толғанай Қасымхан (60 келі), Алина Құдайгенова (63 келі), Ақбота Есімбекова (66 келі), Мария Сидоренко (70 келі), Зарина Толыбай (75 келі), Құралай Егінбайқызы (81 келі), Сабина Жақсылық (81 келіден жоғары) бас жүлдеге таласады.
Айта кетсек, қазірге дейін Азия чемпионатында қазақстандық жігіттердің басым бөлігі финалға шықты.
Жарыс ережесіне сәйкес 20 және 21 мамыр күндері жартылай финал өтсе, 22 және 23 мамырда финалдық жекпе-жек өткізіледі.
Жастар арасындағы Азия чемпионатының шешуші жекпе-жегі 22 мамырға белгіленген.
Еске салсақ, биыл бокстан Әлем кубогы 30 маусым - 6 шілде аралығында Астана қаласында өтеді.
Оған әлемнің үздік былғары қолғап шеберлері қатысады деп жоспарланып отыр. Ел құрамасы онда бірінші құрамымен шаршы алаңға шығады.
World Boxing турнирі үш кезеңнен тұрады. Алашқысы сәуір айында Бразилияның Фос-ду-Игуасу қаласында болса, үшінші кезеңі қайда өтетіні белгісіз.
