10 сағат бұрын
Бокстан әлем кубогында ел намысын кімдер қорғайды?
Қанат Байұзақов
30 маусым мен 7 шілде аралығында Астанада World Boxing ұйымының ұйымдастыруымен бокстан әлем кубогының кезеңі өтеді. Осыған орай, Қазақстан ерлер құрамасының бас бапкері Қайрат Сәтжанов жарысқа қатысатын боксшылардың алдын ала тізімін жариялады, деп хабарлады Sport12.kz
Қайрат Сәтжановтың айтуынша, турнирге елдің үздік былғары қолғап шеберлері қатысады. Олардың қатарында 2024 жылғы Олимпиада ойындарының күміс жүлдегері Нұрбек Оралбай да бар.
"Әлем кубогына ұлттық құраманың негізгі құрамы қатысады. Алдын ала жасақталған тізім мынадай," – деді Сәтжанов.
Қазақстан құрамасының алдын ала құрамы:
- 50 кг – Санжар Тәшкенбай
- 55 кг – Махмұд Сабырхан
- 60 кг – Серік Теміржанов
- 65 кг – Ертуған Зейнуллинов
- 70 кг – Аблайхан Жүсіпов
- 75 кг – Сабыржан Аққалықов
- 80 кг – Нұрбек Оралбай
- 85 кг – Бекзад Нұрдәулетов
- 90 кг – Сағындық Тоғамбай
- +90 кг – Айбек Оралбай
