28.05.2025
«Ақтөбе» – «Қайрат» матчының билеттері небәрі 44 минутта сатылып кетті
Азамат Бақи
Фото: Қазақстан Премьер-лигасының ресми парақшасы
Қазақстан Премьер-лигасының 11-туры аясында өтетін «Ақтөбе» мен «Қайрат» арасындағы кездесуге арналған барлық билет сатылып кетті, деп хабарлайды Sport12.kz.
«Ақтөбе» футбол клубының баспасөз қызметі таратқан мәліметке сәйкес, билеттер сатылымға шыққан соң небәрі 44 минутта толықтай өтіп кеткен.
Кезекті турдың басты ойыны 30 мамыр күні, сағат 20:00-де Ақтөбе қаласындағы Орталық стадионда өтеді.
Айта кетейік, турнир кестесінде «Ақтөбе» 11 ойыннан кейін 25 ұпаймен көш бастап тұр. Ал 23 ұпайы бар «Қайрат» қазіргі таңда үшінші орында келеді.
Біздің серіктес: 200 000 фрибетті ұтысқа саламыз – арнаға жазыл және батырманы бас
