Нұрсұлтан Аманжолов кореялық боксшыны нокаутпен жеңді

Аса ауыр салмақтағы қазақстандық боксшы Нұрсұлтан Аманжолов кәсіпқой рингтегі бесінші жекпе-жегін өткізді.

Ол Инчхондағы (Оңтүстік Корея) бокс кеші аясында өнер көрсетіп, онда жергілікті боксшы Сук Хи Анмен кездесті. Жекпе-жек сегіз раундқа жоспарланған болатын, бірақ үшінші раундта Аманжолов қарсыласын нокаутқа түсірді.

Аманжолов үшін бұл мансабындағы бесінші жеңіс және мерзімінен бұрын аяқталған төртінші жекпе-жек болды. Нұрсұлтанның қарсыласына келсек, ол үш рет жеңіске жетіп, бір рет тең түскен және екі рет ұтылды.

Еске салайық, Нұрсұлтан Аманжолов ауыр салмақтағы әлем чемпионы украиналық Александр Усиктің оқу-жаттығу жиындары кезінде спарринг серіктесі болған.