2 күн бұрын
Артём Дзюба «Қайратқа» ауыспайды
Қанат Байұзақов
36 жастағы шабуылшы Артём Дзюба Тольяттидің «Акрон» клубымен келісімшартын 2025/2026 жылғы маусымның соңына дейін ұзартты, деп хабарлайды Sport12.kz
Бұл туралы клуб өзінің Telegram-арнасында хабарлады.
«Ресей футболы тарихындағы үздік сұрмергендердің бірі — біздің клубтың жейдесінде ең нәтижелі шабуылшы атанған ойыншы — келісімшартты тағы бір маусымға ұзартты!», — деп жазды «Акрон» клубы ресми парақшасында.
Дзюба «Акрон» сапына 2024 жылдың қыркүйегінде қосылған болатын. Өткен маусымда ол барлық турнирде 24 матчқа қатысып, 10 гол соғып, 7 нәтижелі пас берген.
Transfermarkt порталының мәліметінше, тәжірибелі форвардтың қазіргі нарықтық құны 1,8 миллион еуроны құрайды.
