Стас Покатилов Әзербайжан клубы сапында Еуропа лигасында ойнай ма?

Әзірбайжанның «Сабах» клубында өнер көрсететін қазақстандық қақпашы Стас Покатилов Әзербайжан кубогын жеңіп алғаннан кейін Azerisport.com басылымына сұхбат берді, деп хабарлайды Sport12.kz

— Маусым соңында келісімшартыңыз аяқталды. «Сабах» клубында қаласыз ба?

— Әзірге нақты ештеңе айта алмаймын. Маған Баку мен «Сабах» ұнайды. Бірақ шешімге әсер ететін бірнеше фактор бар.

— Демек, жақында келіссөздер басталады ғой?

— Иә, клуб басшылығымен бұл тақырыпты финалдан кейін талқылаймыз деп келістік.

— Алғашқы жарты жылдық өзіңіз үшін де, клуб үшін де сәтті өтті ғой…

— Иә, бірақ чемпионатты аса жақсы өткіздік деп айта алмаймын. Ал кубокта бәрі ойдағыдай болды. Бұл клуб тарихындағы алғашқы жеңіс. Жалпы, бұл менің мансабымдағы жағымды кезеңдердің бірі болды.