Модрич мансабын Италияда жалғастыруы мүмкін

«Реал» футбол клубының хорватиялық жартылай қорғаушысы Лука Модрич Италияның «Милан» клубына ауысуы мүмкін, деп хабарлайды Sport12.kz.

Фабрицио Романоның хабарлауынша, «Милан» футбол клубының спорт директоры Игли Таре Лука Модричті өз қатарында көргісі келеді.

Сондай-ақ, «Реалдың» 39 жастағы жартылай қорғаушысына басқа да командалардан ұсыныс түскен. Бірақ, хорватиялық футболшы болашағына қатысты таңдау жасауға асықпайды.

Еске салсақ, Лука Модрич осы жазда «Реалдан» кететінін мәлімдеген еді. Ол мансабының 13 жылын мадридтік клубқа арнады. Осы аралықта 591 матч өткізіп, 43 гол соғып, 95 ассист жасады. Сондай-ақ, Лука командамен бірге 28 түрлі трофейді жеңіп алды.