2 күн бұрын
Месси мансабын Сауд Арабиясында жалғастыруы мүмкін
Наурызбай Қанатұлы
Фото: Getty Images
«Интер Майами» шабуылшысы Лионель Месси мансабын Сауд Арабиясында жалғастыруы мүмкін, деп хабарлайды Sport12.kz.
Бұл туралы белгілі журналист Саша Тавольери хабарлады. Оның айтуынша, Месси АҚШ-тағы МЛС лигасының даму қарқынына көңілі толмай, өзге нұсқаларды қарастыра бастаған. Аргентиналық футболшының әкесі қазір Сауд Арабиясының Қоғамдық инвестициялық қор өкілдерімен келіссөз жүргізіп жатқан көрінеді.
Бұған қоса, оған Таяу Шығыста спортпен қатар ауқымды жарнамалық жобаларға қатысу ұсынылып отыр.
Айта кетейік, Месси «Интер Майамиге» 2023 жылдың жазында ПСЖ-дан ауысты. 37 жастағы аргентиналық «Интер Майами» сапында 59 матч өткізіп, 49 гол соғып, 24 нәтижелі пас берді.
