2 күн бұрын
Шайбалы хоккейден Қазақстан құрамасы 2026 жылы әлем чемпионатында қайда ойнайды
Фото: Қазақстан хоккей федерациясы
Шайбалы хоккейден Қазақстан құрамасы қатысатын 2026 жылғы әлем чемпионаты бірінші дивизионында А тобындағы ойындардың қайда өтетіні белгілі болды, деп хабарлайды Sport12.kz.
Жарыстың аталған кезеңі сол жылдың 2-8 мамыр аралығында Польшаның Сосновец қаласында өтеді. Қазақстан құрамасының қарсыластары - Франция, Украина, Жапония, Польша және Литва.
Аталған топта бірінші орын алған құрама 2027 жылы элиталық дивизионда бақ сынауға мүмкііндік алса, соңғы орынды місе тұтқан құрама В тобына түсіп қалады.
Әлем чемпионатында Қазақстан құрамасы В тобында ойнады. Ойындар Данияның Хернинг қаласында болды.
Қазақстан құрамасы биылғы әлем біріншілігін сәтсіз өткізді. Жеті кездесудің біреуінде басым түссе, бесеуінде қарсыласына есе жіберіп қойды.
Салдарынан бірінші лигаға түсіп қалды. оған дейін бес жыл қатарынан элиталық дивизионда бық сынауға мүмкіндік алған еді.
Алдымен Норвегияны (2:1) жеңіп, Германия (1:4), Мажарстан (2:4), Дания (1:5), Чехияға (1:8), АҚШ-қа (1:6), Швейцарияға (1:4) есе жіберді.
Ел құрамасы дүбірлі додаға биыл 13 мәрте қатысып отыр. Әзірге ең жоғары көрсеткіші - 2021 жылғы оныншы орын.
