Максим Самородов өзге клубқа ауысуына қатысты ойын айтты

Қазақстандық футболшы Максим Самородов өзге клубқа ауысу жөніндегі қауесеттерге қатысты пікір білдірді, деп хабарлайды Sport12.kz

Ол өзінің ауысуына байланысты тараған ақпараттарды аса назарға алмағанын атап өтті.

– Өзге топ-клубтарға ауысуым жайлы менен гөрі сырттағы адамдар көбірек білетін сияқты. Себебі мен бұл тақырыптарға терең үңілмедім. Жасыл алаңнан тыс дүниелерге көңіл аудармауға тырыстым. Ашық айтқанда, Ресей чемпионатына ауысу – дұрыс шешім болды деп есептеймін. Арманға жету жолында талапты біртіндеп күшейту керек. Егер бірден Еуропаға кеткен болсам, бәрі әлдеқайда қиын болар еді. Өйткені тілдік барьер, жаңа орта, жаңа стиль – бәрі өз әсерін береді. Таңдауымды дұрыс деп білемін. Қазір ағылшын тілін үйреніп жүрмін, клубтағы легионерлермен бірге жаттығу барысында тілді жетілдіруге тырысамын. Ал болашақта танымал лигаларға ауысуым – тек өзімнің еңбегім мен әрекетіме байланысты болады, – деді Самородов.