Максим Самородов: Ұлттық құрамада қай позицияға қойса да, ойнауға дайынмын

Футболдан ұлттық құраманың көшбасшысы Максим Самородов Қазақстан сапында шабуыл шебінде ойнау қаншалықты ыңғайлы екендігіне жауап берді, деп хабарлайды Sport12.kz

"Футболда позицияда ойнау өте маңызды рөл атқарады. Шабуылды түйіндеуші міндетін екінің бірі орындай алмайды. Бірақ бұл мәселе бойынша ойландым. Қолымнан келетіндігіне сенімдімін. Бірақ ұлттық құраманың жейдесін киген соң, қай позицияға қойса да, еш айырмашылығы жоқ. Бас бапкер шабуыл шебіне, жартылай қорғанысқа, тіпті қорғаушы ретінде ойнауға міндеттесе де, барлығына дайынмын. Магомед Адиевтің тұсында орталық шабуылшы ретінде шығып көргенмін. Бастысы, шабуылдаушы ретінде өзімді жақсы сезінемін" - деді Максим Самородов.

Айта кетейік, 22 жастағы футболшы Қазақстан ұлттық құрамасы сапында 25 матчқа қатысып, 5 гол соққан.