Футбол: Қазақстан жастары Андоррадан басым түсті

Футболдан Қазақстан 21 жасқа дейінгі жастар құрамасы 2027 жылғы Еуропа чемпионаты іріктеу кезеңінде бүгін Андорраға қарсы ойын өткізді, деп хабарлайды Sport12.kz.

Кездесу барысында қазақстандық футболшылар жылдам гол соғуға тырысты. Нәтижесінде 11-минутында Олжас Байбектің алыстан тепкен добы қақпа торында тулап жатты. Одан кейін олардың тарапынан гол соғатын бірнеше мүмкіндік болды. Дегенмен олардың барлығын тиімді пайдалана алған жоқ. Есесіне андорралық футболшылар қарсы шабыл ұйымдастырды. Дегенмен таблодағы есепке өзгеріс енбеді.

Осылайша Қазақстан жастары қарсыласынан 1:0 есебімен басым түсті.

Жастарымыз D тобында Англия, Ирландия, Словакия, Молдова және Андорра құрамаларымен кездеседі. 

Енді қазақстандық жастар 8 маусымда Англиямен шеберлік байқасады.

Іріктеу кезеңі 5 маусымда басталып, 2026 жылдың 6 қазанында мәресіне жетеді.