Қазақстан құрамасы жолдастық кездесуде жеңіліс тапты

Футболдан Қазақстан құрамасы жолдастық кездесуде Беларуське есе жіберді, деп хабарлайды Sport12.kz.

Борисов қаласында өткен кездесуде Беларусь 4:1 есебімен жеңіске жетті.

Алаң иелері тарапынан Валерий Громыко, Валерий Бочеров, Трофим Мельниченко және Евгений Шикавка гол соғып, көзге түсті. Ал ел құрамасы сапында жалғыз голды Ғалымжан Кенжебек соқты.

Енді Қазақстан келесі кездеуін 2026 жылғы әлем чемпионатына іріктеу кезеңі аясында өткізеді. Ұлттық құрама 9 маусым күні «Астана Аренада» Солтүстік Македонияны қабылдайды.

Айта кетейік, Қазақстан құрамасы 2026 жылғы Әлем чемпионатына іріктеу кезеңінде J тобында Солтүстік Македония, Уэльс, Лихтенштейн және Бельгия құрамаларымен сынға түсіп жатыр. Әли Әлиев шәкірттері 2 ойында 3 ұпай жинап, турнир кестесінде үшінші орында келеді.