Ұлттар лигасының жартылай финалы драмаға ұласты

UEFA Ұлттар лигасының жартылай финалында Испания Францияны тізе бүктірді, деп хабарлайды Sport12.kz.

Штутгарт қаласында өткен кездесуде Испания 5:4 есебімен жеңіске жетті.

Еуропа чемпиондарының сапында Нико Уильямс, Микель Мерино және Педри гол соқса, Ламин Ямаль дубль авторы атанды.

Ал Франция құрамасында команда капитаны Килиан Мбаппе, Райан Шерки және Рандаль Коло-Муани мергендігімен көзге түсті. Сондай-ақ, Испания қорғаушысы Дани Вивиан өз қақпасына автогол соғып алды. Алайда, бұл француздардың жеңісіне жеткіліксіз болды.

Енді Испания финалда Португалиямен кездеседі. Криштиану Роналду бастаған ұжым кеше Германияны (2:1) жарыс жолынан шығарып жіберген еді.

Айта кетейік, чемпиондық атақ сарапқа салынатын ойын 8 маусымға жоспарланған.