14 сағат бұрын
Ла Лиганың 2024/25 жылғы маусымының үздіктері анықталды
Наурызбай Қанатұлы
Фото: Getty Images
Футболдан Испания чемпионатының 2024/25 жылғы маусым қорытындысы бойынша үздіктер белгілі болды, деп хабарлайды Sport12.kz.
Ла Лиганың 2024/25 жылғы маусымының қорытындысы бойынша Испания чемпионы каталониялық «Барселона» клубы болған еді.
Осыған байланысты «Барселона» клубының үш бірдей өкілі үздік атанды. Осы жылы клубқа бапкер болып келіп, чемпион атағын алуға ат салысқан Ханси Дитер Флик маусымның үздік бапкері атанды.
Ал үздік ойыншы атағы бразилиялық шабуылшы Рафиньяға бұйырды. «Барселона» вингері 36 матчта 18 гол соғып, 11 нәтижелі пас берді.
Үздік жас ойыншы атағы испаниялық жас жұлдыз Ламин Ямальға тиесілі болды. 17 жастағы вингер осы маусымдағы 35 матчта тоғыз гол соғып, 15 нәтижелі пас берді.
