Симоне Индзаги «Әл-Хиляль» клубының бас бапкері ретінде мәлімдеме жасады

Сауд Арабиясының «Әл-Хиляль» клубының жаңа бас бапкері Симоне Индзаги команда тізгінін ұстағаннан кейін алғашқы пікірін білдірді, деп хабарлайды Sport12.kz

— Италиядан тыс жердегі мансабымның жаңа кезеңін бастауға қуаныштымын. «Әл-Хиляль» — мен үшін үлкен мүмкіндік. Араб футболын бұрыннан бақылап келемін. Әсіресе «Лацио» және «Интер» клубтарымен болған матчтар арқылы бұл клубпен жақсы таныспын. Менің мақсатым — жеңіске жету, титулдар алу және өзімнің қарқынды әрі мақсатқа бағытталған ойын стилімді енгізу. Бұл жерде ұзақ уақыт қалғым келеді және клубты тарихи жетістіктерге жеткізуді көздеймін, — деді Индзаги «Әл-Хиляль» клубының ресми сайтына берген сұхбатында.

Индзаги мен клуб арасындағы келісімшарт 2027 жылдың жазына дейін жасалған. Бұған дейін ол Италияның «Интер» командасын жаттықтырған болатын.

БАҚ мәліметінше, италиялық маманның жылдық жалақысы салық ұсталымдарынан кейін 26 миллион еуроны құрайды.