«Барселона» қатарына жаңа қақпашы қоспақ

«Барселона» келесі аптада Жоан Гарсияның 25 млн еуро өтемақы құнын төлеп, трансферді жүзеге асырады, деп хабарлайды Sport12.kz.

Бұл туралы белгілі инсайдер Фабрицио Романо мәлімдеді. Оның ақпараты бойынша каталондық клуб 24 жастағы голкиперді негізгі команданың маңызды ойыншысы ретінде көреді.

Клуб бұдан былай жалға беру нұсқасын қарастыруды жоспарлап отырған жоқ.

Ал клубтың бұрыннан бері келе жатқан негізгі қақпашысы Тер Штеген клубтан кетуі мүмкін. Бұл туралы Diario Sport былай деп ақпарат таратты: клубтың бапкері Ханси Флик ауыр жарақаттан кейін неміс қақпашысының қалыпқа келмегенін алға тартып, оны негізгі қақпашы етуден бас тартты. Сол себепті клуб негізгі қақпашы ретінде Жоан Гарсияны алмақ. Ал екінші қақпашы Войцех Шченсный болады.