Криштиану Роналду әлем чемпионатына қатыспайды

Португалия ұлттық құрамасы мен саударабиялық «Әл-Наср» футбол клубының көшбасшысы Криштиану Роналду осы жазда өтетін клубтар арасындағы әлем чемпионатына қатыспайтынын мәлімдеді, деп хабарлайды Sport12.kz.

— Көптеген ұсыныстарға қарамастан, клубтар арасындағы әлем чемпионатына қатыспаймын, – деді Роналду.

Бұған дейін БАҚ құралдарында 40 жастағы шабуылшының клубтар арасындағы жаһандық додада доп тебу үшін команда ауыстырады деген қауесеттер тараған болатын.

Сауд Арабиясы чемпионатының биылғы маусымында Роналду 30 ойында 25 гол соғып, 3 нәтижелі пас берді.

Айта кетейік, клубтар арасындағы әлем чемпионаты 15 маусым мен 13 шілде аралығында АҚШ-та өтеді.