Криштиану Роналду «Алтын доптың» фаворитін атады

«Әл-Наср» шабуылшысы Криштиану Роналду 2025 жылғы «Алтын допқа» кім лайық деген сұраққа өз пікірін білдірді, деп хабарлайды Sport12.kz

Оның айтуынша, бұл марапатты ең алдымен ұжымдық жетістік пен алаңдағы ойыны арқылы көзге түскен футболшы алуы тиіс.

— Меніңше, «Алтын допты» алаңда ерекшеленіп және Чемпиондар лигасын жеңіп алған ойыншы иеленуі керек. Жеке марапаттарға аса мән бермеймін. Өйткені олардың артында не тұрғанын жақсы білемін. Бірақ Ламин Ямальдың мүмкіндігі бар. Дегенмен, қазіргі таңда нақты фаворит жоқ, — деді Роналду баспасөз мәслихатында.

Бұған дейін түрлі спорттық басылымдар «Алтын допқа» негізгі үміткерлер ретінде Усман Дембеле («ПСЖ»), Ламин Ямаль («Барселона»), Рафинья («Барселона») және Мохамед Салахты («Ливерпуль») атаған болатын.