Қазақстан - Солтүстік Македония ойынына келген жанкүйерлердің саны белгілі болды

2026 жылғы футболдан әлем чемпионатының іріктеу кезеңіндегі Қазақстан — Солтүстік Македония матчына неше адамның келгені ресми жарияланды, деп хабарлайды Sport12.kz.

Ойынға 27 694 жанкүйер жиналды. Естеріңізге сала кетейік, Қазақстан бұған дейін "Астана Арена" стадионында 2023 жылы қараша айында Сан-Мариноны қабылдаған болатын. Енді араға 1,5 жыл салып, қайта қарсыластарды қабылдау құқығына ие болды.

Дәл қазіргі ойынның 71-ші минуты өтіп жатыр. Қонақтар 0:1 есебімен алда тұр.

Еске сала кетейік, Қазақстан құрамасы іріктеу кезеңіндегі алғашқы екі ойында Уэльске 1:3 есебімен жол беріп, Лихтенштейнді 2:0 есебімен жеңді. Ал Солтүстік Македония құрамасы Лихтенштейнді 3:0 есебімен ұтып, Уэльспен (1:1) және Бельгиямен (1:1) тең түсті.